阿拉儿子是小小推普员腾飞拉爷文(江南)腾飞养拉北方，不过自从渠会得讲闲话，我搭渠拉娘就用上海闲话搭渠交流，个咾至今渠只习惯一种语言——吴语（之太湖方言上海闲话）。

丈姆娘是北方人，吴语听大弗懂。

家主婆搭渠解山河，一般侪用普通话个。

腾飞有常时看见仔就打棚：“姆妈跟牢外婆做‘普通人’，我覅做普通人，我要跟牢外公做堂堂正正有文化个江南人。

”每年子， 伲一家三口侪要回到上海爹爹搭过春节。

腾飞搭上海淘伴孛相，总归讲一口流利个吴语，渠拉却一直讲眼安徽味道重来些个普通话。

淘伴老奇怪个，为啥腾飞吴语讲了介标准。

腾飞讲渠也老奇怪个，为啥娜吴语讲弗连牵，普通话也弗灵光，赛过猪八戒照镜子嘛。

渠拉听仔又是羞愧又是眼痒，“文化人”前“文化人”后叫渠。

腾飞又是自豪又是开心，渠个个“文化人”真是沾仔吴语个光呀！淘伴常庄绕牢渠教渠拉讲吴语……腾飞总归对渠拉讲：“头好劗，血好灒，上海吴语弗好掼。

”我记得轧朋友个辰光，腾飞拉娘个吴语也有眼洋泾浜。

为仔搭我有“共同语言”，渠勉为其难、投我所好，进修吴语。

渠个“吴语”有辰光让我捧腹大笑。

个种情景，渠总归嗔怪：“唉，弗睬侬了喏，碰碰要欺负我个。

”我么一只手拉牢渠一只手捂牢嘴巴讲：“乖囡，覅生气。

我弗笑了……”笑脱一歇我再耐心讲解：“‘间或cieweh’弗是‘{贝戋}货ziehu’，‘凶兆zau’弗是‘胸罩tsau’。

”渠一本正经跟牢我逐字逐句读，认真个劲道弗比小学生推扳。

渠每发一个字音，只要有错，我就及时搭渠纠正。

我千方百计为渠创设“讲闲话”情境，就是吃饭辰光也弗放过纠正个机会……通过“短期培训”，腾飞拉娘学有所成。

从此以后， 阿拉彼此交流频繁了， 阿拉个感情也越来越深厚了——腾飞也就养出来了。

吴语带畀伲屋里无限个乐趣。

大年夜，一家门围坐拉餐桌旁，说说笑笑，其乐融融。

此时此刻，腾飞拉娘总归笑微微个讲：“腾飞子承父业，变仔小小‘推普’员哉——thetau普通话 ！”注: 此文曾获得成人组作文竞赛"特等奖"。